Global Voices in Swahili » Elections

Misri: Watu 10 Wenye Ushawishi Zaidi Nchini

Deogratias Simba — Wed, 04 Nov 2009 10:42:30 +0000

Ilichapwa kwanza naMarwa Rakha · Imetafsiriwa na Deogratias Simba · Angalia ujumbe mama

Mwanablogu Ahmed Shokeir aliendesha taftishi ya kutafuta watu 10 wenye ushawishi zaidi nchini Misri baada ya kushangazwa na matokeo ya Gamal Mubarak, mtoto wa Rais Hosni Mubarak wa Misri - kama mmoja wa washindi 100 wa mwisho wa mwaka 2009 wa TIME.

Shokeir anaandika:

المفاجأة الحقيقة كانت في إسم الشخصية العربية التالية والتي تظهر في القائمة أيضا للمرة الأولى وتحتل المركز الثامن عشر بفارق بسيط عن الشيخ أحمد وتحصل على ثمانمائة وثلاثون ألف صوت بمتوسط 31 نقطة وهو جمال مبارك متقدماً على أسماء مثل بريتني سبيرز التي حلت في المركز الثلاثون وباراك أوباما في المركز السابع والثلاثون

Jambo la kushangaza sana lilikuwa kwamba Mwarabu wa pili mwenye ushawishi zaidi baada ya Shehe Ahmed bin Zayed Al Nahyan, ambaye ni mkurugenzi wa Abu Dhabi Investment Authority, aliyeshika nafasi ya 13 baada ya kupata kura 839,000. Kwa mara ya kwanza jina la Gamal Mubarak limejitokeza katika nafasi ya 18 ya orodha baada ya kupata kiasi cha kura 832,593. Gamal Mubarak alimshinda Britney Spears (aliyeshika nafasi ya 30) na Barack Obama (nafasi ya 37).

Zeinobia alikuja na orodha ya watu 10 wenye ushawishi zaidi nchini Misri kwa mujibu wa taftishi ya Shokeir:

Kwanza kabisa huwa hatuna aina hii ya ushindanishaji nchini Misri mara kwa mara, pili huna budi kutambua kwamba jambo hili liliendeshwa kwenye blogu ya nchini Misri, washiriki wanaweza kusemwa kwamba ilikuwa ni sampuli ndogo sana katika jamii ya Wa-Misri “Zaidi ya washiriki 120 kwenye blogu yake na zaidi ya washiriki 300 kwenye tukio katika face book” na kwa hiyo baadhi ya watu huenda watasema kwamba sampuli haikuwa wakilishi vya kutosha, hata hivyo, kwa namna ya kushangaza kabisa, baadhi ya majibu yanawakilisha maoni ya Wa-Misri walio wengi.

Akitunza kile kizuri ili kukitoa mwishoni kabisa, Zeinobia alianza na washindi bora 9:

Katika nafasi ya 10 yenye pointi 168 yupo kocha wa timu ya taifa ya soka ya Misri Hassan Shahata.
Katika nafasi ya 9 yenye pointi 181 ni mfanyabiashara Naguib Sawiris.
Katika nafasi ya 8 yenye pointi 200 ni Rais Hosni Mubarak. “kura 26″
Katika nafasi ya 7 yenye pointi 200 ni mwandishi wa habari Ibrahim Eissa. “Kura 46″
Katika nafasi ya 6 yenye pointi 202 ni mfanyabiashara Ahmed Ezz.
Katika nafasi ya 5 yenye pointi 215 ni mwanasayansi Ahmed Zowail.
Katika nafasi ya 4 yenye pointi 262 ni mwendesha kipindi cha TV Mona El-Shazely.
Katika nafasi ya 3 yenye pointi 325 ni mcheza soka Mohamed Abu-Tarika.
Katika nafasi ya 2 yenye pointi 364 ni Gamal Mubarak.

Sasa kuhusu mtu mwenye ushawishi zaidi nchini Misri,

Na kwa mshangao wangu mkubwa:

Katika nafasi ya 1 yenye pointi 496 ni Mhubiri wa dini ya Kiislamu kwenye TV Amr Khalid.
Hakuna shaka kwamba hao wengine tisa ukitoa Ahmed Zoweil wamekuwa na nafasi ya pekee katika maisha yetu katika mwaka 2009,lakini Amr Khalid!!??

Zeinobia anatambua kwamba:

Taftishi hii ilikuja katika kilele cha matukio ya Khalid hasa kwa umaarufu wake kutokana na vipindi vyake vya TV vya wakati wa Ramadhani, hivyo hicho kilichangia sana matokeo hayo na bila shaka nafasi ya dini katika maisha yetu.

Hata hivyo, bado anajiuliza kama kweli alistahili kushika nafsi ya kwanza kwenye orodha hiyo.

Uchaguzi Tunisia: haki Bila Ya Upendeleo!!?

j nambiza tungaraza — Tue, 27 Oct 2009 12:04:47 +0000

Ilichapwa kwanza naLina Ben Mhenni · Imetafsiriwa na j nambiza tungaraza · Angalia ujumbe mama

Kama ilivyotabiriwa, rais Zine Al Abidine Ben Ali ameshinda uchaguzi kwa mara ya tano. Ambalo halikutarajiwa ni kuwa angeshinda kwa asilimia 89.62 ya kura zote. Utabiri ulikuwa kwamba angepata kura zaidi.

Chama kinachotawala cha Ben Ali, Democratic Constitutional Rally nacho pia kilifanya vizuri. Kilishinda viti vya bunge 161 katika viti 214. Viti 53 vilivyobaki vilinyakuliwa na vyama sita tofauti: Movement for Democratic Socialists, viti 16; Party of People's Unity, kinachoongozwa na Mohamed Bouchiha, viti 12; chama cha Union of Democratic Unionists cha Ahmed Inoubli, viti 9; Social Liberal Party, viti 8; Party of Greens for Progress, viti 6 na chama cha Ettajdid cha and Ahmed Brahim, viti 2.

Chama tawala kilitangaza haki na usawa katika uchaguzi wa 2009. Lakini viongozi wa upinzani na wanablogu wana maoni mengine: wanafikiri kuwa vitendo vya ukandamizaji na udhibiti mkali kwenye taratibu za uchaguzi vilitawala uchaguzi wa rais na wabunge nchini Tunisia mnamo tarehe 25, Oktoba 2009.

Arabasta anasema kwa kejeli:

مبروك عليكم ما عملتو
نتوجه بالشكر أولا إلى الشعب التونسي اللي قام بواجبو الإنتخابي في كنف الديموقراطية و الشفافية و الروح الرياضية البارح و إنتخب رئيس جديد للبلاد و مجلس نواب أخر لمدة خمسة سنين. الإختيار هذا كان محكم و مدروس و حتى واحد ما حاول يأثر على العباد و حتى من التلفزة و الصحافة كانو في المستوى و عطاو وقت متساوي لكل المترشحين و الأنصار متاعهم بقطع النظر عن
قربهم أو بعدهم عن السلطة
نتوجه بالشكر زادة لسيادة رئيس الجمهورية (لمدة 5 سنوات أخرى) و نعتذر عن عدم الدعوة و التصويت ليه و نستنكر و نشجب
التصرفات المشينة هذي أما نذكر أنو عمري ما شككت في نزاهة الإنتخابات و حريتها، فمن المعروف أنو في حالة تزوير الإنتخابات النتائج تكون من نوع 99،98% لكن الملاحظ النزيه يعرف أنو نتيجة 2009 ما تبعدش برشة على النسبة اللي ربح بيها شيراك في 2002 في فرنسا و لذا فالإنتخابات هذي إرتقت بينا إلى مصاف الدول العظمى و المتقدمة

Hongera kwa ulichofanya!
Shukrani nyingi ziwafikie kwanza raia wa Tunisia ambao walitimiza wajibu wao jana katika uchaguzi ndani ya muundo wa demokrasia na usawa. Walimchagua rais mpya wa nchi na bunge jipya kwa kipindi kingine cha miaka mitano. Chaguo lilikuwa la busara na lililotafakariwa vyema. Hakuna aliyejaribu kuwashawishi watu na hata idhaa za televisheni na vyombo vya habari vya maandishi havikufungamana na upande wowote na vilihakikisha kuwa wagombea na wafuasi wao wanapata nafasi sawa bila kujali uhusiano wao na serikali.
Shukrani zangu pia zimfikie rais (kwa miaka mingine mitano) na naomba radhi kwa kutomuunga mkono na kutokumpigia kura. Ninailaani tabia hii ya aibu japokuwa ninakumbuka ukweli kuwa sijawahi kutilia shaka kutofungamana kwenu na upande wowote wakati wa uchaguzi. Kama inavyoeleweka kuwa kama pangetokea udanganyifu basi matokeo yangekuwa asilimia 98.99. Lakini msimamizi asiyefungamana na upande wowote anafahamu kwamba matokeo ya 2009 hayana tofauti sana na yale ya 2002 nchini Ufaransa wakati Chirac aliposhinda uchaguzi. Na hiyo ndio sababu inayotufanya tuweze kusema kuwa uchaguzi huu umetupandisha na kufikia daraja la nchi zilizoendelea na mataifa makubwa.

Nakhlet Wed El Bey (Mtende wa mto Bey) anaandika katika lugha ya Kitunisia:

أنا لا أشكك في نزاهة التمثيلية الإنتخابية
…
آش كان عليه لو كان حلّينا اللعب شويّة
و نزعنا الأكمام من أفوه المعارضة الحقيقية
لإنتصر الرئيس بسبعة و سبعين في المية
و انتزعنا من قلوب الرعايا النفاق و السكيزوفرينية

Sihoji haki na kutopendelea kwenye maigizo ya uchaguzi wa Tunisia.
Je ingekuwaje kama tungelikuwa na uwezo zaidi
Na kuondoa viziba midomo kutoka kwenye mdomo wa upinzani wa kweli
Hapo rais angelishinda kwa asilimia 77.7
Na tungeondoa unafiki na wehu kutoka kwenye mioyo ya watu

Mwanablogu Some Thoughts from Tunisia, kwa upande wake, alielezea kilichomtokea wakati alipokwenda kupiga kura katika masaa ya mwisho wa siku hiyo:

كيما قلت سبقني مرافقي للقاعة متاع الانتخاب وكيف دخلت انا نلقا الدنيا داخلة بعضها والجماعة يتغامزو عليه ويتلفوا في الجرّة (ما فاقوش اللي احنا مع بعضنا). اكهو فهمت آش صار: ضهر السيّد مازال في دارو وهوما ريڨلولو اموروا وانتخبوا في بلاصتوا وصححوا في الدفتر في بلاصتوا… آيا قالولو ما صار شيء برّا للخلوة اختار وموش لازم تصحح (الورقة كلها مصححة وماعادش فمة بلايص)… هاذا كلّو صاير وانا واقف نتفرّج!! السيّد مشى للخلوة وانا نسمع فيهم يْوَشْوْشُو ويحكيو بالسرقة بالحرف الواحد:
“هذا العمدة انتخب في بلاصتوا…!!!!”

Kama nilivyosema, mwenzangu alikwenda kwenye kituo cha kupigia kura kabla yangu. Wakati nilipoingia chumbani, niliwaona wale waliokuwepo wamechanganyikiwa na wangine walikuwa wakipepeseana macho wakijidai kana kwamba hakuna lolote lililotokea (hawakugundua kwamba tulikuwa pamoja). Haraka nikaelewa kila kitu: wakati bado yule bwana akiwa nyumbani kwake, walikwishapiga kura na kusaini badala yake.
Halafu wakamwambia: “hakuna kilichotokea Unaweza kuchagua wagombea wako na hauhitajiki kusaini. (Karatasi lote lilikuwa limesainiwa na hapakuwa na nafasi kwa saini nyingine).
Haya yote yalitokea wakati nikiwa nimesimama pale. Mwenzangu alikwenda kupiga kura na nikawasikia wananong’ona:
“Omda” (chifu wa jamii) alipiga kura badala yake.

j nambiza tungaraza — Sat, 17 Oct 2009 06:35:44 +0000

Ilichapwa kwanza naNdesanjo Macha · Imetafsiriwa na j nambiza tungaraza · Angalia ujumbe mama

Mradi Wa Uchaguzi Afrika (AEP) www.africanelections.org utakuwa unafuatilia uchaguzi mkuu wa wa 10 wa Botswana, unaofanyika Oktoba 16, 2009.

Gabon: Upinzani waendelea kupinga matokeo ya Uchaguzi

Christian Bwaya — Mon, 12 Oct 2009 11:43:22 +0000

Ilichapwa kwanza naJennifer Brea · Imetafsiriwa na Christian Bwaya · Angalia ujumbe mama

Kifo cha Omar Bongo, mmoja wa madikteta wa Kiafrika waliokaa kwa muda mrefu zaidi madarakani, mwezi Juni, kilileta matumaini kwamba Gabon ingeanza namna mpya ya siasa. Lakini, alipotangazwa mtoto wa Bongo, Ali Ben Bongo, mgombea wa chama tawala, kuwa mshindi wa uchaguzi wa tarehe 31 Agosti, wachache walishangazwa. Kama mwanablogu mmoja wa lugha ya kifaransa Le petit Quimonte illustre anavyoeleza:

Au Gabon, la Couronne est héréditaire, de mâle en mâle par ordre de primogéniture élue démocratiquement par succession directe au suffrage universel sous protection militaire.

Katika Gabon, Kofia ya uongozi ni ya kurithishana, kutoka kwa mwanamume kwenda kwa mwanamume kwa utaratibu wa kuangalia mzawa wa kwanza, akichaguliwa kidemokrasia kwa kuachiana kwa wazi kupitia haki ya sanduku la kura, chini ya ulinzi wa jeshi.

Na bado wanachama wa upinzani wanakataa kurudi makwao kwa utulivu.

Wiki jana, Vyama vya upinzani vya Gabon viliitisha mgomo wa kitaifa wa siku tatu, kupinga uchaguzi wa mwezi uliopita, na kuonyesha mshikamano na waathirika wa ghasia za baada ya uchaguzi Port Gentil (ingawa kwa mujibu wa habari za kimataifa, wachache sana kama kweli walikuwepo waliitikia wito huo). Gabon Libre Expression (kupitia Afrik.com) linaripoti kwamba baadhi ya wagombea wa upinzani wanatoa matokeo yao mbadala yanayomweka mgombea wa chama cha UPG Pierre Mamboundou mbele ya Bongo, kwa zaidi ya asilimia 68% ya kura zilizopigwa.

Siku ya Alhamisi, wagombea wa upinzani walitoa tamko la pamoja na kwa uchache tisa kati yao wamefungua mashitaka kwenye Mahakama ya Kikatiba ya Gabon wakitoa wito wa kubatilishwa kwa uchaguzi wa Agosti 31, ambapo mgombea wa zamani Runo Ben Moubamba anauita “uchaguzi wa kulazimishia madaraka,” kwa minajili ya udanganyifu wa kura na makosa mengineyo. Mahakama ina mwezi mmoja kufanyia kazi mashitaka hayo, lakini kama makala ya hivi majuzi kwenye Afrik.com inavyosema, kwa jinsi mahakama ilivyofungamana kwa karibu na familia ya Bongo, upinzani unajipa matumaini kiduchu mno ya matokeo mazuri.

Idumu Afrika yenye mizizi ya kifaransa!

Ukaribu wa muda mrefu wa Ufaransa na familia ya Bongo, kwa namna fulani unapaswa kubeba lawama. Waandamanaji wa Port –Gentil walikusudia walizilenga mali zilizomilikiwa na Total, kampuni ya mafuta ya Kifaransa , wakati wa vurugu za baada ya uchaguzi zilizosababisha watu wasiopungua watatu kupoteza maisha yao.

Maandamano ya kupinga uchaguzi huko Paris yamepangwa kufanyika Jumatano hii, na walau kwenye wavuti za habari za ki-Gabon, kuna wito wa kugomea bidhaa za Kifaransa.

Pour Un Gabon Meilleur! anaeleza historia ya makapuni ya Kifaransa huko Gabon, na uhusiano wake wa karibu na familia ya Bongo:

Elf, rebaptisé aujourd’hui Total, est la plus connue des entreprises françaises qui exploite les richesses du Gabon du fait de l’affaire qui à partir de 1994 et jusqu’au procès de 2004 a donné un coup de projecteur sur les liens entre les dirigeants de la société pétrolière, la famille Bongo, la mafia et les sommets de l’appareil d’État français.
Mais en fait, c’est l’ensemble de l’économie du pays qui est sous la coupe de sociétés françaises et il est difficile de toutes les citer. Le clan Bongo est servi au passage, étalant un luxe provoquant au milieu du dénuement. Mais l’essentiel de la richesse produite par les travailleurs du pétrole, des mines, de l’extraction forestière, du transport et des activités portuaires, etc., profite à des patrons et des actionnaires d’entreprises dont le siège est par exemple à Odet dans le Finistère (Bolloré), à la Tour Montparnasse à Paris (Eramet), à La Défense (Areva) ou à Niort (Rougier, pour l’exploitation et le négoce des bois tropicaux).

Elf, ambayo leo imepewa jina la Total, ni kampuni ya Kifaransa inayojulikana zaidi kuliko makampuni mengine ya Kifaransa inayochota utajiri wa Gabon kutokana na utata ulizozuka 1994 mpaka 2004 na ambao umeweka wazi uhusiano baina ya utawala wa kampuni ya mafuta, familia ya Bongo, genge la mafia, na vilele vya vyombo vya kitaifa vya Ufaransa.
Lakini kwa hakika, uchumi wote wa nchi iko chini ya dole gumba la makampuni ya Kifaransa, na ni vigumu kuyataja yote. Ukoo wa Bongo umebaki kuwa na kiburi na majigambo ya ufahari katikati ya ufukara wa kutisha wa wananchi. Lakini utajiri mwingi unaotengenezwa na wafanyakazi (wa Ki-Gabon) wa mafuta, machimbo ya madini, mbao, usafirishaji na bandari wanaufaidi wamiliki na wanahisa wa makampuni hayo ambayo ofisi zao kuu ziko katika sehemu za, kwa mfano Odet (Bolloré), Tour Montparnasse huko Paris (Eramet), La Defense (Areva) au Niort (Rougier, kwa unyonyaji wa biashara ya mbao za ukanda wa kitropiki).

Alliance Nationale de la Resistance du Tchad, anaonyesha histroria ya muda ambao Ufaransa inahisiwa kujihusisha na uchaguzi, ambayo inapelekea katika nukuu ambayo si maarufu tena ya Robert Bourgi aliyoitoa kwa Le Monde jioni ya uchaguzi: “Nchini Gabon, Ufaransa si mgombea, lakini mgombea wa Robert Bourgit ni Ali Bongo. Sasa, mimi ndiye rafiki ambaye Nicholas Sarkozy anamsikiliza. Bila shaka, wapiga kura wataelewa” [Fr].

Wasomaji wa La Voix Du Peuple Gabonais wanajadili uwezekano wa kugomea bidhaa za Ufaransa. Ondonza anaandika:

je suis entièrement d'accord avec le boycotte, c'est une mesure de pression efficace qui peut amener les francais à revoir leur position, dans la mesure où le chiffre d'affaires de leurs sociétés diminuera à long terme, ils seront obligés de fermer et rentrer chez eux. Pour cela aussi bien les hommes d'affaires, étudiants, touristes et autres ne devraient plus prendre Air france ou Gabon airlines, une alternative sera de prendre la Lufthansa, Ethiopia airlines et autres compagnies. Les automobilistes ne devraient plus consommer le carburant de Total, ni de la Lybian oil. Penser consommer Gabonais maintenant cela fera rehausser le pouvoir d'achat des petits commercants gabonais.
Que Dieu benisse le Gabon

Ninakubaliana kabisa na mgomo huu: Ni zana sawia ya shinikizo linaloweza kuifanya Ufaransa ifikirie nafasi yao…wafanyabiashara, wanafunzi, watalii na wengine kamwe wasipande ndege za Air France au Gabon Airlines, lakini wapande Lufthansa, Ethiopia au makampuni mengine kama mbdala. Madereva wasitumie mafuta ya kampuni ya Total, wala yale ya Lybia. Kufikiria kununua bidhaa zinazotengenezwa na wa-Gabon kutainua uwezo wa manunuzi wa wafanyibiashara wadogo wa ki-Gabon.
Na Mungu aibariki Gabon.

Aligatoire anashangaa namna mgomo huo unavyoweza kufanikiwa, kwa kuzingatia utegemezi uliopindukia wa Gabo kwa mkoloni wake wa zamani:

Boycotter les produits français, je me demande comment? notre économie ne produit rien. Cela suppose boycotter tout les groupes CFAO, CECADIS,TOTAL,SMAG,BNP(bicig) bgfi,crédit lyonnais (ugb), SEEG, LIBERTIS(les bongo). DRAGAGE……commençons donc par créer une banque gabonaise et des entreprises gabonaises. Il faut donc commencer à être décomplexé de l'homme blanc. car bcp d'africains souffrent d'un complexe d'inferiorité face l'homme occidental.Cette lutte doit être d'abord psychlogique et culturelle.Tous nos dirigeants sont à la merci des occidentaux au détriment de leur peuple. Nous sommes dans les mêmes configurations lors de la traite négrière, le chef coutumier et le négrier.

Kugomea bidhaa za kifaransa? Kivipi? Uchumi wetu hauzalishi kitu. Hiyo itamaanisha kugomea makampuni kama CFAO, CECADIS,TOTAL,SMAG,BNP(bicig), bgfi,crédit lyonnais (ugb), SEEG, LIBERTIS, na mengine…tuanze kwa kuanzisha Benki ya Ki-Gabon na makampuni ya ki-Gabon. Tunatakiwa tuanze kwa kujikomboa kwenye vifungo vyetu wenyewe, kwa sababu Waafrika tunateswa na kule kusiona duni dhidi ya mzungu wa kimagharibi. Vita hii ni lazima iwe, kwa kuanzia kabisa, ya kiutambuzi/saikolojia na kiutamaduni. Viongozi wetu wanategemea Magharibi, na kuwaangamiza watu wao wenyewe. Tupo mahali pale pale tulikokuwa enzi za biashara ya utumwa, chifu wa kimila na mfanyabiashara ya watumwa.

Alphonse Obiang, katika maoni aliyoyaacha kwenye Alliance Nationale de la Resistance du Tchad, anaurudisha wajibu kwa wanasiasa wa Ki-Gabon:

Cet article est du grand n'importe quoi!…je ne vois pas ce que paris vient faire là, sauf si vous prétendez que c'est paris qui a contraint les anti-bongo à diviser leurs voix par 22. le résultat est clair: prise en semble, l'opposition dépasse largement les 50%. divisée, ali bongo passe haut la maion. Tout le reste n'est qu'explications facile et foutage dd gueule.

Makala hii imejaa…siwezi kuona kile ambacho Paris imekifanya, labda udai ni Paris ndiyo iliwalazimisha wapinzani wa Bongo kujigawa katika makundi 22. Matokeo yako wazi: kwa pamoja, upinzani ulipata zaidi ya asilimia 50. Ugawanywa, Ali Bongo alishinda kiulaini. Mengineyo zaidi, ni maelezo rahisi na upuuzi.

Mauritania: Uchaguzi wenye udanganyifu?

Christian Bwaya — Mon, 27 Jul 2009 13:45:58 +0000

Ilichapwa kwanza naJillian C. York · Imetafsiriwa na Christian Bwaya · Angalia ujumbe mama

Tarehe 18-07-2009, miezi 11 baada ya mapinduzi ya kijeshi yaliyoongozwa na Jenerali Mohamed Ould Abdel Aziz, Mauritania imemchagua Jenerali huyu kwa Urais, na kusababisha wapinzani wakuu wa Abdel Aziz kuukataa uchaguzi kwamba ni “kiini macho,” kwa mujibu wa Habari za BBC. Pitio la haraka haraka kwenye blogu za nchi za Saheli linaonyesha kwamba wapinzani wako katika ushirika mzuri.

Blogu ya Maghreb inawaelezea wagombea:

Wamauritania wanaelekea kwenye vituo vya kupigia kura leo katika uchaguzi wa Rais wa kihistoria. Mgombea anayepewa nafasi kubwa ya kushinda ni Ould Abdel Aziz, kiongozi wa zamani wa mapinduzi ya kijeshi ambaye anagombea kwa njia ya jukwaa la umaarufu na kwa kuwa mpinga-Israeli. Ould Abdel Aziz pia ameatoa wito wa kukomesha vitendo vya rushwa na kusimika misingi ya utawala bora. Kwa mujibu wa kura za maoni hivi karibuni, Jenerali Ould Abdel Aziz anafuatiwa na Ahmed Ould Dada na Messaoud Ould Boulkheir. Agenda za huyu wa kwanza, Ahmed Dada zinatilia mkazo maadili na misingi ya “haki, usawa, uvumilivu.” Ould Boulkheir anakumbatia nadharia za demokrasia na haki za binadamu, na ameahidi kuunga mkono vyama vya wafanyakazi.

Mwanablogu Moor Next Door, mwenye makao huko Marekani, kwa ujasiri kabisa ameuita ni udanganyifu, kwa kusema:

Kampeni za Ould Daddah na Boulkheir zinaweza kuelezewa kama “zenye taharuki”: idadi ya kura zinazotangazwa tangu upigaji kura ufanyike zinaonyesha watu wengi sana wakimuunga mkono Jenerali Ould Abdel Aziz. Huko Nouadhibou, asilimia sitini na tano wanaonyesha matokeo hayo hayo yenye kumuunga mkono Ould Abdel Aziz. Swali: kwa jinsi gani? Jawabu: Udanganyifu. Mwitikio wao sasa utaonyesha nini kinawezekana kesho na siku zinazofuata.

Mwanablogu huyo anatukumbusha:

Jenerali Ould Abdel Aziz ameitawala Mauritania katika kampeni tatu muhimu: Mapinduzi mazuri (2005), Mapinduzi yaliyokataliwa (2008) na, sasa, mapinduzi ya Kikatiba (2009).

Mwanablogu anayeishi marekani ambaye anayejielezea mwenyewe kuwa mwanablogu wa Kiafrika Bombastic Element analiita beleshi kwa jina lake (au kusema maneno bila kupinda pinda):

BBC inaarifu kuwa kiongozi wa mapinduzi Jenerali Mohamed Ould Abdelaziz, aliachia madaraka na kujigeuza raia kwa minajili ya kugombea uchaguzi wa Jumamosi anakaribia kucheza mchezo wa “Musharraf.”

Wakati wanablogu wanasuburi matokeo yakamilishwe, mmoja –msanii anayeishi Nouakchott, anatoa mchoro huu wa siku ya uchaguzi huko Nouadhibou:

Kongo Brazzaville: Uchaguzi wa Rais Wakatisha Tamaa

Christian Bwaya — Tue, 21 Jul 2009 13:16:57 +0000

Ilichapwa kwanza naElia Varela Serra · Imetafsiriwa na Christian Bwaya · Angalia ujumbe mama

Siku ya Jumapili, Julai 12, watu wa Jamhuri ya Kongo walipiga kura katika uchaguzi ambao ulisusiwa na viongozi wa Upinzani kwa madai kwamba usingekuwa huru wala wa haki. Denis Sassou N’Guesso, ambaye ameitawala Kongo kwa takribani miaka 25 kama mkuu wa nchi, anatafuta kipindi kingine cha miaka saba madarakani.

Pamoja na malalamiko kutoka upinzani, waangaliaji wa uchaguzi walisema kuwa upigaji kura ufanyika kwa amani, na kwamba idadi ya watu waliojitokeza kupiga kura ilikuwa ndogo. Kwa mujibu wa chama kikuu cha upinzani, “asilimia 90” ya wapiga kura hawakujitokeza kupiga kura. Rais anayemaliza muda wake Denis Sassou N’Guesso na chama chake cha Rassemblement de la majorité présidentielle (RMP) anatabiriwa kushinda uchaguzi huo wakati ambapo tume ya uchaguzi inajiandaa kutangaza matokeo wakati wowote kuanzia Jumatatu jioni.

Mwandishi wa BBC anadai kuwa alishuhudia fedha zikitembezwa katika vituo vya upigaji kura kusini mwa mji mkuu, kwa watu ambao baadae walisema kuwa waliombwa kumpigia kura Bw. Sassou-Nguesso.”

Mwangalizi mmoja wa uchaguzi, akizungumza kwa masharti ya kutokutajwa jina, aliliambia shirikala habari la Ufaransa (AFP), “Kuna waangalizi wengi kuliko wapiga kura.”

Katika kituocha habari cha Ufaransa cha France 24, watoa maoni wachache kutoka Kongo wametoa maoni yao kuhusu uchaguzi. Hapa chini ni sehemu ndogo ya maoni hayo:

Maloumbi kuhusu kutishiwa kwa wapiga kura:

Dans certain villages et districts, les populations ont vote sassou nguesso suite aux intimidations. mon frere Jean Ibinga dans le district de Nyanga a reçu 1.000.000 Cfa de la part de membre de RMP pour convaincre aux vielles personne d'aller vote moyenant une somme de 2500 cfa. Les elections ne ce sont pas passees d'une maniere convenable et certains prefets, deputes ont intimider la population de voter leur maitre Sassou. Pour moi c'est une election qui avait ete deja jouee a l'avance. Je demande a la communaute internationale d'anuler les elections du 12 juillet et oblige a sassou de faire un gouvernement national pouvant debattre les affaires du pays sinon il y'aurait une guerre dans le futur. l'opposition actuellement se prepare pour une eventuelle guerre.

Katika vijiji na wilaya fulani fulani watu walimpigia kura Sassou Nguesso kwa sababu ya kutishwa. Kaka yangu Jean Ibinga katika wilaya ya Nyanga alipokea cfa 1 000 000 [Sawa na dola la kimarekani 1 800] kutoka kwa wafuasi wa RMP ili awashawishi wazee waende kupiga kura kwa kuwapa kiasi cha cfa 2500 [Dola za Kimarekani 4.5]. Uchaguzi haukwenda kwa namna inayokubalika, na baadhi ya viranja na manaibu waliwatisha watu ili wampigie kura mtawala wao Sassou. Kwangu huu ulikuwa uchaguzi wenye matokeo yaliyofahamika kabla ya muda. Naiomba JUmuiya ya Kimataifa iutangaze uchaguzi wa Julai 12 kuwa ni batili na kumlazimisha Sassou kuunda serikali ya Kitaifa itakayokuwa na uwezo wa kujadili masuala ya nchi, vinginevyo vita vitatokea huko mbeleni. Upinzani uliopo unajiandaa kwa uwezekano kwa vita.

Yoka kutoka Pointe Noire kuhusu kujtokeza kwa idadi ndogo ya wapiga kura:

je suis congolais et je réside à pointe noire (capitale économique du congo et deuxième ville du pays). Je peux vous dire que les bureaux de vote sont restés vide du matin jusqu' au soir . les habitants de pointe noire sont fatigués, des promesses de mr sassou, alors que de cette ville qu' est tiré le pétrole qui constitue la première richesse du pays. Plus de 95% des congolais n' ont pas voté. c' est une réalité que le régime brutal et absurde de brazza doit reconnaitre. Du coup son régime est illégitime. les congolais du nord, du sud, de l' est et de l' ouest ont dit NON à sassou.

Mimi ni Mkongo na ninaishi Pointe Noire (Mji mkuu wa kiuchumi wa Kongo na jiji la pili kwa ukubwa). Ninaweza kuwaambia kwamba vituo vya upigaji kura vilikuwa vitupu tangu asubuhi mpaka jioni. Wakaazi wa Pointe Noire wamechoshwa na ahadi za Bw. Sassou wakati jiji hili linalozalisha mafuta ni la kwanza kwa utajiri nchini. Zaidi ya asilimia 95 ya wa-Kongo hawakupiga kura. Ni ukweli ambao utawala huu wa kikatili na kijinga nchini Brazzaville wanapaswa kuutambua. Kwa sababu ya hilo, utawala huu ni batili. Wakongo kutoka Kaskazini, Kusini, Mashariki na Magharibi wamesema HAPANA kwa Sassou.

Mtoa maoni aliyeficha jina lake kutoka Kinshasa , Kongo (DRC), alijiuliza:

Peut on frauder avec seulement 15% d'électeurs qui, si nous suivons les différentes interventions, ne seraient que les partisans du Candidat Sassou, les autres ayant opté pour le boycot de l'éléction?

Hivi anaweza kweli mtu kudanganya kwa kutumia asilimia 15 tu ya wapiga kura waliojitokeza ambao, kama tukifuatilia ripoti, walikuwa ndio wafuasi pekee wa Mgombea Sassou, wakati wengine walichagua kuususia uchaguzi?

L'Africaniste:

Oui tout n'est parfait ! Oui Sasou garde le pouvoir , Oui , il n'a pas fait du congo un paradis ! Mais qu'a fait l'opposition ? Quel projet ou proposition l'opposition congolaise a t' elle soumis au peuple ? rien sauf le boycott ! qui n'est rien d'autre qu'une ouverture à Sassou pour gagner . Alors merci messieurs les opposants d'avoir aider Sassou à gagner sans difficultés . Arrêtez des bruits pour rien sauf pour distraire le peuple!

Ndio kila kitu kiko sawa sawa! Ndio Sassou anabaki madarakani! Ndio hakuigeuza Kongo iwe ahera? Lakini wapinzani walifanya nini? Mipango ipi ya miradi ambayo wapinzani wa Kongo waliitoa kwa wananchi? Hakuna isipokuwa kususia! Kitu ambacho si kingine zaidi ya kumpa Sassou ishara ya kushinda. Kwa hiyo asanteni waungwana wa upinzani kwa kumsaidia Sassou kushinda bila ugumu wowote. Acheni makelele yasiyo na kingine isipokuwa kuwachanganya watu!

brazza-brazza kuhusu uchaguzi wa amani:

Élection bidon, mais nous avons la paix. La paix des miséreux.
Comme Bongo, Sassou sera au pouvoir pour plus de deux générations. C'est normal; nous avons la paix. La paix des soumis.
Sassou pille le Congo. Mais nous avons la paix. La paix des affamés.
Nous vivons dans le caca. Mais nous avons la paix. La paix a plus de valeur que la dignité.
Vous a l'étranger vous ne savez pas ce que la paix vaut.
Je suis d'accord avec vous que la paix permet a Sassou de piller. Et alors? C'est normal qu'il nous pille. Il es africain et il est dictateur qui fait des élections bidon pour rester dictateur.

Uchaguzi wa uongo, lakini tuna amani. Amani ya walioelemewa na ufukara. Kama Bongo, Sassou atakuwa madarakani kwa zaidi ya vizazi viwili. Ni kawaida; tuna amani. Amani ya wanyenyekevu.
Sassou anaipora Kongo. Lakini tuna amani. Amani ya wenye njaa. Tunaishi katika kinyesi. Lakini tuna amani. Amani ina thamani kuliko utu. Nyie wote mnaoishi ughaibuni hamjui kiasi cha thamami ya amani.
Ninakubaliana nanyi kwamba amani inamwezesha Sassou kupora. Kwa hiyo? Kuporwa ni kawaida. Yeye ni mwafrika na ni Dikteta ambaye amefanya uchaguzi wa uongo ili aendelee kuwa dikteta.

Kwenye Tovuti ya Libération Yanice 18 aliileta hotuba ya hivi majuzi ya Obama akiwa Ghana:

A peine hier, Obama a tenu un très bon discours sur la bonne gouvernance et la démocratie, aujourd'hui un autre autocrate africain se prépare à renouveler son bail au pouvoir pour 7 ans encore malgré ses déboires judiciaires relatifs à ses biens immobiliers en France. A voir la longévité au pouvoir, 25 ans, de ce président tout laisse à penser qu'Obama a prêché dans le désert.

Ni jana tu Obama alitoa hotuba nzuri kuhusu utawala mzuri na demokrasia, leo dikteta mwingine wa Kiafrika anajiandaa kuandikisha upya dhamana ya madaraka yake kwa miaka mingine 7 pamoja na kushindwa kwake kisheria kuhusu majengo yake nchini Ufaransa. Ukiangalia muda rais huyu aliodumu madarakani, miaka 25, inaonekana kama vile Obama alihubiri jangwani.

Na Saboun aliongeza:

Ré-election de Sassou Nguesso, aucune surprise. Je ne sais pas si vous avez remarqué, Obama n'a évoqué aucun pays d'Afrique francophone dans son discours, pure coincidence? J'en doute.

Kuchaguliwa tena kwa Sassou Nguesso, si ajabu. Sijui kama uliliona hili, Obama hakutaja nchi yoyote ya Afrika iliyowahi kutawaliwa na Wafaransa katika hotuba yake. Hivi kweli hili ni jambo lililotokea bila kukusudiwa? Sidhani.

Iran: Video za Maandamano ya Upinzani Zazidi Kumiminika

j nambiza tungaraza — Wed, 17 Jun 2009 12:51:08 +0000

Ilichapwa kwanza naHamid Tehrani · Imetafsiriwa na j nambiza tungaraza · Angalia ujumbe mama

Zaidi ya watu 100,000 waliandamana mjini Tehran Jumatatu iliyopita ili kumuunga mkono mgombea urais mwanamageuzi, Mir Hussein Mousavi pamoja na madai yake ya kuataka kubatilishwa kwa matokeo ya uchaguzi ambayo yalimtangaza rais aliye madarakani Mahmoud Ahmadinejad kama mshindi katika uchaguzi wa tarehe 12 Juni. Damu ilimwagika mwishoni mwa maandamano hayo. Watu wapatao 7 walipoteza maisha yao.

Kwa mujibu wa ripoti kutoka idhaa ya televisheni ya Uingereza Channel 4 (iliyotangazwa bila kujali amri ya kuyazuia mashirika ya nje kutangaza habari) umati wa watu ulitupa mawe na kuchoma moto jingo linalomilikiwa na wanamgambo wanaoiunga mkono serikali, wajulikanao kama Basij. Mwanamgambo aliyevalia kofia ya chuma aliyekuwa kwenye paa ya nyumba alipiga risasi hewani kabla ya kujificha ili kuepuka mvua ya mawe. Katika YouTube kuna video nyingi zinazoonyesha jinsi shambulio hilo lilivyotokea:

Asubuhi baada ya tukio hilo la kutupiana risasi, wafanyakazi wa hospitali ya Rasool Akram mjini Tehran waliandamana kupinga mauaji yaliyotokea. Muandamanaji mmoja alibeba bango linalosema “mashahidi 8”

Kupigwa risasi au kukandamizwa hakujazuia mwamko wa upinzani, na maelfu waliandamana tena mjini Tehran siku ya Jumanne. Maandamano ya upinzani yanaongezeka katika miji mingine pia. Katika mji wa Shiraz, wapinzani wanaoonyeshwa katika video hii waliichoma moto picha ya Ahmadinejad.

Irani: Maandamano na Ukandamizaji

j nambiza tungaraza — Tue, 16 Jun 2009 06:46:33 +0000

Ilichapwa kwanza naHamid Tehrani · Imetafsiriwa na j nambiza tungaraza · Angalia ujumbe mama

Tehran protests, via jomhour.info

Mamia ya maelfu ya Wairani mjini Tehran na katika miji mingine kadhaa wameandamana kumuunga mkono mgombea urais Mir Hussein Mousavi huku wakiikupuuza amri ya serikali inayokataza maandamano. Waandamanaji wanadai kubatilishwa matokeo ya uchaguzi wa rais, wakisema kuwa ushindi wa Rais Mahmoud Ahmedinejad katika uchaguzi wa tarehe 12 Juni ulipatikana katika njia sizizo halali. Majeshi ya usalama yamewashukia wanaandamanaji, na mtu mmoja aliuwawa mjini Tehran leo.

Japokuwa huduma za Twita, FaceBook pamoja na YouTube zimezuiliwa kwa kuzimwa nchini Iran, Wairani wengi wamekuwa wakitumia tovuti-vivuli ili kuvizunguka vichujio vilivyowekwa na wanaripoti habari kadiri zinavyotokea. Utawala wa Irani pia umezuia huduma za jumbe za maandishi kwa kutumia simu za mkononi (SMS), kadhalika utawala huo unachuja tovuti kadhaa zinazoakisi maoni ya wanamageuzi.

Iran09 aliandika katika ujumbe wa Twita mapema leo:

“Nimethibitisha kwamba kuna Basij [wanamgamo wa Kiislamu] waliopo kwenye viwanja na wanawapiga watu kutokea kwenye mapaa ya nyuma. #iranelection”

Jadi aliandika ujumbe wa Twita:

“Watu bado wanajiunga na maandamano. Wanaimba ‘Mousavi! Mousavi! Ichukue kura yangu’ #iranelection”

Mousavi aliongea na kuomba matokeo ya uchaguzi yaangaliwe tena. Alisema yuko tayari kushiriki katika uchaguzi mpya. Kuna filamu za video zinazohuzu uchaguzi hapa.

Kadri upinzani unavyozidi ndivyo ukandamizaji unavyoongezeka
Wanafunzi waliopinga uchaguzi wa rais katika vyuo vikuu mbalimbali walishambuliwa na vikosi vya usalama. Ifuatayo ni video inayoonyesha bweni la Chuo Kikuu cha Tehran jumapili usiku.

Habari mpya: Huu ni mlolongo wa picha kwenye huduma ya Flickr unaoonyesha uharibifu uliofanywa na vikosi vya usalama katika mabweni ya Chuo Kikuu cha Tehran jumapili usiku. Kwa mujibu wa mtumiaji wa Flickr, Agha Hadi, wanafunzi wengi walitiwa mbaroni.

Ifuatayo ni filamu inayoonyesha mwanamke wa Ki-Irani anavyopambana na vikosi vya usalama kwenye kituo cha basi.

Azarmehr anatoa maoni juu ya filamu hii:

Muangalie huyu simba-jike jasiri wa Ki-Irani, kwanza anapiga teke halafu anampiga teke la pembeni askari mtuliza ghasia anayefanana na mtu wa kale aliyebeba rungu! Anapigwa marungu machache lakini hiyo ndiyo thamani ya uhuru an hajali. Na ibarikiwe nchi yetu ya Irani, kwa kuwa na mabinti kama hawa. Woga umetoweka na kasi inapamba moto.

Shukrani kwa Tehranlive kwani tumepata picha kadhaa za Wairani wanaopinga na za mwamko wa upinzani:

Green Vote alituma ujumbe wa Twita [fa] kwamba moja ya kauli mbiu ni, ‘Usiogope, tupo pamoja’. Green Vote pia alituma ujumbe mwingine wa Twita unaosema kwamba Mohammad Ali Tarekh, mwanafunzi mwanaharakati, alitiwa mbaroni kwenye jimbo la Shiraz.

Wanablogu kadhaa kama vile Zeitoon, waliripoti [fa] kwamba watu waliimba Allah-O-Akbar (Mungu Mkubwa) kutokea majumbani mwao nyakati za usiku. Mousavi aliwataka watu waimbe Allah-O-Akbar kutokea kwenye mapaa ya nyumba zao. Wkati wa mapinduzi ya Kiislamu mwaka 1978-79 watu walikuwa wakifanya hivyo kama ishara ya upinzani dhidi ya Shah.

Obama yuko wapi?
Mwanablogu wa Kimarekani, View from Iran anaandika:

Ninafahamu kwamba maneno matamu ni maneno matamu tu. Kwamba maneno ya rais huwa hayabadili historia japokuwa huwa ni sehemu [ya historia]. Kama kungelikuwa na wakati muwafaka kwa Obama kuwasha uwezo wa maneno yake matamu ni sasa. Leo saa 10 jioni kulikuwa na maandamano katika miji 20 ya Irani. Rafiki zangu *wanataka kuwepo mabarabarani.* Ni wazazi, wafanyakazi wa serikali, wahasibu, wapokezi, naam na wanafunzi pia. Mwisho wake, ukizingatia ghasia zote hizi, sina hakika kwamba wataendelea kujitokeza.
Kwa hiyo Obama, washa uwezo wako wa kuhamasisha. Tumia uwezo wako wa maneno matamu kuwaambia Wairani kuwa, japokuwa hatutatuma majeshi, nyoyo zetu zi pamoja nanyi. Najua kuwa unaweza kufanya kazi vizuri zaidi yangu.

Mateso ya Isfahan
Tehran siyo mji pekee ambako watu wanaopinga wanakandamizwa. Waandamanaji mjini Isfahan, pia wanalengwa na vikosi vya usalama.

Iranevents imechapicha picha kadhaa za maandamano huko Irani. Watu wanafukuzwa na vikosi vya usalama.

na hii pia:

Irani: Kimbunga cha Maandamano Baada Ya Uchaguzi

j nambiza tungaraza — Sun, 14 Jun 2009 07:45:03 +0000

Ilichapwa kwanza naHamid Tehrani · Imetafsiriwa na j nambiza tungaraza · Angalia ujumbe mama

Maelfu ya watu waliandamana mjini Tehran, Mashdad na kwenye miji mingine mikubwa ya Irani ili kupinga ushindi wa Rais Mahmoud Ahmadinejad katika uchaguzi mkuu uliofanyika Ijumaa. Washindani wawili wanamageuzi pamoja na mashabiki wao wanasisitiza kwamba palitokea udanganyifu.

Mir Hussein Mousavi, mpinzani mkuu wa Ahmedinejad alisema kuwa matokeo yaliyotolewa na “waangalizi wasioaminika” yanaakisi “udhaifu wa nguzo zinazosimamisha mfumo mtakatifu” wa Irani na “utawala wa mabavu.” Matukio kadhaa ya kupigana mitaani na maandamano yamewekwa kwenye YouTube.

Maandamano katika mtaa wa Valiasr mjini Tehran ambako maelfu ya waandamanaji walipinga kwa kuimba kauli mbiu dhidi ya serikali ya Ahmadinejad.

Na hapa watu waliimba: ‘Mousavi, rejesha kura yangu!’.

Vyombo vya usalama vilidhibiti waandamanaji:

Maandamano mengine yalifanyika mjini Mashad ambako waandamanaji waliwaomba wanausalama wawaunge mkono [badala ya kuwadhibiti].

Ghomar Ashegahne amechapisha picha kadhaa zinazoonyesha wanausalama wakiwapiga waandamanaji (tazama picha hapo juu). Mwanablogu huyo anaandika [fa] kwamba udhibiti ungekuwa ni sababu nzuri ya kutokwenda kwenye maandamano, lakini ‘tufanye nini na uchungu huu?’

Anasema kuwa Karoubi na Mousavi [wanamageuzi wawili waliogombea] walitaka kubadili hali nchini, na inawabidi waanze sasa.

Belgiran anaandika [fa] kwamba Kiongozi wa Irani, Ali Khamenei, alimpindua Mousavi hata kabla hajakuwa rais na akamweka Ahmadinejad… Anaandika, “Utawala huu umepoteza uaminifu mdogo uliokuwepo.”

Mehrdadd anaandika kwenye Twita, kwamba kiongozi wa Irani anaonyesha kuwa yuko dhidi ya watu wa Irani. Na sasa kila mwanasiasa anapaswa achukue msimamo ulio kwa ajili ya wananchi au dhidi ya wananchi.

Mehri912 anasema kwenye Twita, “Kama Irani italala usiku wa leo, basi ndiyo italala daima”.

Ramani ya Ulimwengu wa Blogu za Irani Siku ya Mkesha wa Uchaguzi

j nambiza tungaraza — Sat, 13 Jun 2009 12:55:50 +0000

Ilichapwa kwanza naHamid Tehrani · Imetafsiriwa na j nambiza tungaraza · Angalia ujumbe mama

John Kelly na Bruce Etling wanaelezea utafiti wao unaohusu ulimwengu wa blogu za Irani na uchaguzi katika blogu ya Intaneti na Demokrasi. Intaneti na Demokrasi ni blogu ya timu ya mradi wa Intaneti na Demokrasi wa Kituo cha Berkman cha Intaneti & Jamii kilichoko Harvard.

Kufuatana na ufuatiliaji wetu wa ulimwengu wa blogu za Irani siku ya mkesha wa uchaguzi, inaonekana kuwa Mousavi anaungwa mkono na watu wengi kwenye mtandao wa intaneti kuliko Amhadinejad. (Ili kuelewa kwa mapana makundi tofauti nchini Irani angalia ramani yetu mpya shirikishi ya Ulimwengu wa blogu za Irani). Ramani hizo zinaonyesha ni nani anayejiunganisha na tovuti zinazohusiana na wagombea. Inavutia kuona tofauti kati ya ahmadinejad (emtedadmehr.com), ambaye ana viunganishi vingi kwenye kundi la siassa za kihafidhina, na Mousavi (mirhussein.com) ambaye viunganishi vyake vinatokea kwenye sehemu zote za ramani, siyo tu kutoka kwenye kundi la mageuzi.

Tunashangazwa na viunganishi vinavyotokea kwenye kundi la washairi, ambalo ni kwa nadra sana hujiunganisha na tovuti za siasa. Kadhalika, Mousavi ana viunganishi vingi vinavyotokea kwenye kundi la mtandao wa madhehebu ya Shia kuliko Ahmadinejad.

Siyo lazima kuwa mvuto huu wa kwenye mtandao wa intaneti unaenda sambamba na duniua iliyo nje ya mtandao huo, bali unaweza kuashiria jinsi Mousavi alivyoongeza shamrashamra kwa wapiga kura, hasa kati ya wale ambao wako nje ya kundi linalotarajiwa kumuunga mkono, hali ambayo itasababisha watu wengi kujitokeza kumpigia kura Mousavi.

Kama vile Hamid Tehrani alivyoandika mapema wiki hii, zana ya YouTube inatumiwa vilivyo na Wairani wengi katika uchaguzi huu. Ifuatayo ni filamu moja ya YouTube ambayo imunganishwa na wanamageuzi wengi.

Na hii ni video iliyounganishwa na wahafidhina wengi, ambayo hamid aliilezea mapema wiki hii kuwa ni mfano wa mmoja wa wahifidhina wanaoutumia kumdhihaki Khatami, ambaye anamuunga mkono Mousavi tangu pale yeye binafsi alipojitoa kwenye kinyang’anyiro.

Wataalamu wa mambo ya Irani wanatahadharisha dhidi ya kubashiri washindi wa uchaguzi nchini Irani (kwa sababu tumewahi kushangazwa huko nyuma), na tunapenda kutahadharisha kubashiri ushindi wa Mousavi kutokana tu na upembuzi huu, hata hivyo ni jambo linalovutia kuona Mousavi anaungwa mkono kiasi hiki kwenye mtandao wa intaneti siku ya mkesha wa uchaguzi. Inatubidi tuwaachie hilo wapiga kura.

Takwimu nyingine na upembuzi kuhusu mkesha wa uchaguzi wa Irani katika ulimwengu wa blogu vipo kwenye blogu ya Morningside Analytics Shifting the Debate. Pia unaweza kuangalia mahojiano na kusoma makala zote za Hamid Tehrani kwenye mtandao wa Intaneti na uchaguzi wa Irani kwenye tovuti ya PBS. Angalia tena sehemu hii wiki ijayo ili uone toleo letu la ulimwengu wa blogu za Kiarabu na matukio yanayombana katika USIP.